Yearly Archives: 2017

Home / 2017

Варзиш- қосиди сулҳ

  Бахшида ба  «Соли ҷавонон»  дар Муассисаи таълимии давлатии «Мактаби байналмилалии Президентӣ»  дар шаҳри Душанбе дар байни дастаҳои «Маъмурият», «Омӯзгор»  ва ҳамсафар мусобиқаи волейбол  доир гардид, ки дар натиҷа дастаи «Маъмурият»  сазовори ҷойи якум, гуруҳи «Омӯзгор»  сазовори ҷойи дуюм  ва дастаи «Ҳамсафар»  сазовори ҷойи сеюм  шуданд. Ғолибон аз тарафи маъмурият ва Иттифоқи касаба бо туҳфаҳои хотиравӣ сарфароз гардиданд.

Варзиш- қосиди сулҳ

  Бахшида ба  «Соли ҷавонон»  дар Муассисаи таълимии давлатии «Мактаби байналмилалии Президентӣ»  дар шаҳри Душанбе дар байни дастаҳои «Маъмурият», «Омӯзгор»  ва ҳамсафар мусобиқаи волейбол  доир гардид, ки дар натиҷа дастаи «Маъмурият»  сазовори ҷойи якум, гуруҳи «Омӯзгор»  сазовори ҷойи дуюм  ва дастаи «Ҳамсафар»  сазовори ҷойи сеюм  шуданд. Ғолибон аз тарафи маъмурият ва Иттифоқи касаба бо туҳфаҳои хотиравӣ сарфароз гардиданд.

Хушхабар 

  Боиси ифтихор ва сарфарозист, ки баъд аз ба даст омадани Истиқлолияти комили Тоҷикистони азизи мо, хонандагони тоҷик имконият ба даст овардаанд донишу маҳорати худро дар байни дигар кишварҳо муаррифӣ  намоянд.  Дар оғози моҳи декабр хонандагони Муассисаи таълимии давлатии «Мактаби байналмилалии Президентӣ»  дар шаҳри Душанбе бо иштирокашон дар Олимпиадаҳои гуногуни байналмилалӣ   Тоҷикистони азизи моро муаррифӣ намуданд. Темур Усмонов хонандаи синфи  7  бо иштирокаш дар Олимпиадаи байналмилалии «IMSO»  аз фанҳои дақиқ, ки дар шаҳри Сингапур доир гардид, иштирок намуда, сазовори ҷойи сеюм ва соҳиби медали  биринҷӣ гардид. Инчунин 4 нафар хонандагони синфи 6-ум  Шаҳзодаи Абдукарим, Муҳаммадҷони Нуруллозод, Орҳан Эрдоган ва Сайдуллоев Рофиҷон  бо иштирокашон дар ин Олимпиада сазовори ҷойҳои ифтихорӣ гардиданд.Инчунин хонандаи  синфи 11 Турсунов Манучеҳр дар  Олимпиадаи байналмилалӣ аз фанни технологияи информатсионӣ, ки дар шаҳри Алмаатои Ҷумҳурии Қазоқистон доир гардид,  ширкат намуда, сазовори ҷойи сеюм ва соҳиби медали биринҷӣ  гардид. Дар ин  Олимпиада  717 нафар  довталаб  11 кишвари дунёро  муаррифӣ намуданд.

       Иҷлосияи  тақдирсоз

                  Бахшида ба 25-умин солгарди  Иҷлосияи  XVI- уми  Шӯрои  Олии Ҷумҳурии  Тоҷикистон   дар толори фарҳангии мактаб ҷамъомад доир гардид. Директори  мактаб  Зувайдуллозода М.Ҳ.  омӯзгорону хонандагонро бо ҷашни пурифтихори  Иҷлосияи тақдирсоз   табрик намуда, доир ба  рӯзҳои сахту сангини миллати тоҷик ёдовар шуд.  Сипас филми «Марде аз сарнавишт»  манзури ҳозирин гардонида шуд.  Тамошои филми мазкур ҳисси ватандӯстӣ ва  хештаншиносии  хонандагонро афзун намуда, онҳоро баҳри  ҳифз ва гиромидошти арзишҳои миллӣ ҳидоят  менамояд.

      Конститутсия- бахтномаи миллат

  Бахшида ба рӯзи  Конститутсияи  Ҷумҳурии Тоҷикистон дар Муасисаи таълимии давлатии  «Мактаби байналмилалии Президентӣ» чорабинии  бошукуҳ  баргузор гардид. Омӯзгори фанни асосҳои давлат ва ҳуқуқ Раҳимов Саидкарим доир ба Конститутсияи Љумҳурии Тоҷикистон  боб ва моддаҳои  он маълумоти мухтасар ва мукаммал пешниҳод кард.Сипас  устоди фанни таърих ва ҳуқуқ Иматов Манучеҳр дар байни хонандагон  озмуни зеҳнӣ гузаронд ва ғолибони озмун бо туҳфаҳо қадрдонӣ карда шуданд.Дар фарҷоми чорабинӣ барномаи фарҳангӣ пешкаши ҳозирин гардонида шуд.  Аз ҷониби хонандагони синфҳои 5-6  доир ба мавзуҳои Ватан, Тоҷикистон  сурудҳои дилнишин пешниҳод  гардид.

Нахустин ҳамоиши ғолибони олимпиадаҳои ҷумҳуриявию байналмилалӣ

  Дар Муассисаи таълимии давлатии «Мактаби байналмилалии Президентӣ»  дар шаҳри Душанбе ба ифтихори «Соли ҷавонон»  ва «Рӯзи забони давлатӣ» бо ибтикори  Вазорати маориф ва илми Ҷумҳурии Тоҷикистон, Кумитаи кор бо ҷавонон ва варзиши назди Ҳукумути ҷумҳурӣ нахустин ҳамоиши ғолибони олимпиадаҳои  ҷумҳуриявию байналмилалӣ таҳти унвони «Саҳми Пешвои миллат дар ҳифз ва гиромидошти забони тоҷикӣ ҳамчун сарвати бебаҳои миллат ва давлат»  доир гардид. Ҳамоишро раиси Кумитаи кор бо ҷавонон ва варзиш Аҳтам Абдуллозода ҳусни оғоз  бахшида, таъкид намуд, ки «Ҳамоиши мазкур бо раҳнамоиву ҳидоятҳои Пешвои миллат ба хотири дастгирӣ, ҳавасмандгардонӣ, қавигардонии дӯстии ҷавонони минтақаҳо ва ба ин васила пайдо намудани истеъдодҳо ва рушди онҳо аз  иқдомоти арзанда дар роҳи муаррифии  ҷавонону наврасони донишманд, муҳассилини болаёқати  муассисаҳои таълимми кишварамон хоҳад буд. Эълон гардидани «Соли ҷавонон» имконияти хеле хуби татбиқнамоии  тамоми ҳадафҳо ва орзуҳои ҷавонист». Муовини вазири маориф  ва илми Ҷумҳурии  Тоҷикистон Латофат  Назирӣ баромад намуда,  зикр кард,  ки дар соли хониши 2016-2017  ва  ибтидои соли хониши 2017-2018 шогирдони мактабҳои мо тавонистанд, ки дар 19 олимпиадаҳои байналмилалии фаннӣ ва лоиҳавӣ  дар кишварҳои Русия, Руминя, Булғория, Ҳиндустон, ИМА ва дигар давлатҳо ширкат карда, Парчами ҷумҳурии моро баланд бардоранд. Гавҳар Шарофзода, раиси Кумитаи забон ва истилоҳоти назди Ҳукумати ҷумҳурӣ, роҷеъ ба нақш ва бузургдошти забони тоҷикӣ баромад намуда бо ифтихор қайд кард, ки дар ҷаҳон беш аз  7 ҳазор  забон мавҷуд  аст, ки тибқи сарчашмаҳо  забони тоҷикӣ дар   зинаи 23-юм қарор дорад.Аз ҳамин беш аз ҳазор забоне, ки дар дунё ҳаст, танҳо 100 забон мақоми давлатӣ дорад, ки забони тоҷикӣ аз ҷумлаи онҳост. Ў иброз дошт, ки имрӯз дар олам 300  миллион гӯяндагон бо забони тоҷикӣ ҳарф мезананд. Бояд насли наврас ба қадри шаҳомату ширинии забони тоҷикӣ бирасанд ва онро чун  яке аз арзишҳои миллӣ ҳифз намоянд. Зувайдуллозода Муҳибулло Ҳабибулло, директори  Мактаби байналмилалии Президентӣ баромад намуда, доир ба дастоварҳои хонандагони мактаб дар соли таҳсили 2016-2017  қайд кард, ки яке аз шогирдони мактаби мо Камила Шаҳидова дар олимпиадаи байналмилалӣ аз фанни забони русӣ ширкат намуда, сазовори Шоҳҷоиза гардидааст. Дар интиҳои чорабинӣ барномаи фарҳангии хонандагони Мактаби байналмилалии Президентӣ, Литсей интернати  Президентӣ дар шаҳри Душанбе ва мактаби Президентии  ноҳияи Њисор манзури ҳозирин гардонида  шуд. Шарофати Ширинбахт      

Mehrgon holiday

  On October 23 Mehrgon Exhibition was conducted by teachers and students of primary grades. The Exhibition was organized so beautiful and eye-catching with ornament of «Golden Autumn» richness as fruits, vegetables, different kind of seeds and golden leaves of trees and bushes. Also the wallpapers surrounding the exhibition were the sign of beauty of the harvest time.  All the school staff and visitors enjoyed the exhibition and it gave a lot of joy to the primary grade students then all the others. Kudratova Gulafruz

Рӯдакӣ рафту монд ҳикмати ӯй…

  Дар Муассисаи таълимии давлатии «Мактаби байналмилалии Президентӣ»  дар шаҳри Душанбе,  ба  ифтихори «Рӯзи Рӯдакӣ», Конфронси илмию адабӣ доир гардид. Конфронсро  директори  мактаб  Зувайдуллозода М.Х. ҳусни оғоз  бахшида, доир ба мавзӯи «Ашъори пандуахлоқии Рӯдакӣ  дар тарбияи насли наврас» баромад  намуд  ва хонандагонро барои омӯзиши ашъори  безаволи устод  Абӯабдуллоҳи Рӯдакӣ ҳидоят кард. Роҳбари иттиҳодияи методии фанҳои забон ва адабиёти тоҷик  Саидов Ф.А.  доир ба мавзӯи        «Рӯдакӣ-қофиласолори назми форсӣ» маърӯза намуд.  Бибиҷон Қамарова, хонандаи синфи 7 -ум тавассути тахтаи электронӣ маълумоти мухтасари  омоданамудаашро  доир  ба  рӯзгор ва осори  сардафтари адабиёти  классикии форсу тоҷик манзури ҳозирин гардонд. Суруду таронаҳои дилнишин, қироати панду андарз, шеъру қасида ва саҳначаҳои ҷолиб аз ашъори безаволи устоди каломи форсу тоҷик  хеле дилнишин ва хотирмон буданд.

Ҷашни Истиқлол дорад Тоҷикистони азиз!

Омӯзгорону хонандагони Муассисаи таълимии давлатии “Мактаби байналмилалии Президентӣ” дар шаҳри Душанбе 26-умин солгарди Истиқлолияти давлатии Ҷумҳурии Тоҷикистонро ботантана таҷлил намуданд. Сараввал директори мактаб Зувайдуллозода М.Ҳ. баромад намуда, ҳозиринро бо ин ҷашни таърихӣ табрик кард. Ӯ таъкид намуд, ки насли навраси имрӯз,  ба қадри оромиву ободии Тоҷикистони азиз бирасанд ва ба муқаддасоти он арҷ гузоранд. Сипас устоди собиқадор Миралиев Мирзоалӣ баромад намуда, Истиқлолияти комили Тоҷикистонро дастоварди беназири даврони соҳибистиқлолии кишвари азизамон ҳисобид. Сарвари мактаб Зувайдуллозода Муҳибулло Ҳабибуллоро, ки ба ифтихори 26-умин солгарди Истиқлолияти давлатӣ, аз ҷониби Асосгузори сулҳу ваҳдати миллӣ, Пешвои миллат-Президенти кишварамон муҳтарам Эмомалӣ Раҳмон бо “Медали шоиста” қадрдонӣ гардидаанд, аз номи омӯзгорону хонандагон табрик намуд. Намоиши филми “Марде аз сарнавишт” ва барномаи фарҳангӣ, таҳти унвони “Ҷашни Истиқлол дорад, Тоҷикистони азиз!” манзури ҳозирин гардонида шуд.

Таҷлил аз «Рӯзи Дониш»

  Дар Муассисаи таълимии давлатии «Мактаби байналмилалии Президентӣ» дар шаҳри Душанбе «Рӯзи Дониш» таҷлил гардид. Дар ифтитоҳи ҷамъомад директори  мактаб Зувайдуллозода Муҳибулло Њабибулло устодону шогирдонро бо фарорасии соли нави таҳсил табрик намуда, қайд кард, ки имсол 60 нафар хонандагони синфи 1-ум бори аввал қадам ба остонаи мактаб гузоштанд. Латофат Назирӣ- муовини вазири маориф ва илми Љумҳурии  Тоҷикистон баромад намуда., аз хатмкунандагони мактаб даъват ба амал овард, ки мактабро бо баҳои хубу аъло ва рафтори намунавӣ хатм карда, барои дохил шудан ба донишгоҳҳои дохил ва хориҷи кишвар  ҷиддӣ омодагӣ бубинанд. Мавсуф ба устодону шогирдони мактаб барои ноил шудан ба комёбиҳои назаррас бурдбориҳо таманно  кард. Хонандагони синфи якум  бо хондани шеърҳои гуногун бо забонҳои тоҷикиву русӣ ва англисӣ хотири ҳозиринро шод намуданд. Садои  занги аввал хонандагонро  ба омӯзиши «Дарси сулҳ» ва оғози соли нави  таҳсил ҳидоят намуд.  
Web Design MymensinghPremium WordPress ThemesWeb Development